Gallwch ddod o hyd i’r wybodaeth ganlynol oddi ar ein tudalen dogfen llwytho i lawr.

•     cyfrifon wedi’u harchwilio ac adroddiad blynyddol 2008
•    adroddiad ôl-troed CO2 – adroddiad wedi’i gomisiynu’n arbennig ar effaith y Ganolfan ECO yn Nhrefdraeth o ddydd i ddydd
•    Polisiau – darllenwch ein polisïau llywodraethol i wybod ble rydym yn sefyll ar rai o’r prif faterion.

Sut rydym yn cael ein cyllido?

Am ein bod yn sefydliad elusennol rydym yn gwbl ddibynnol ar godi arian yn allanol i dalu am ein holl gostau gweithredol. Doedd gennym ddim ffynonellau cyllid craidd megis siop neu gaffi. Rydym yn ehangu ein haelodaeth er mwyn sicrhau llif arian bychan ond dibynadwy. Mae ein strategaeth gyllido yn sicrhau ein bod yn taenu'r ffynonellau cyllid rhag bod yna orddibyniaeth ar un ffynhonnell. Wrth gwrs, mae hyn yn anodd ei wneud. Ond rydym wedi llwyddo i ddenu arian trwy gontractau, cytundebau lefel gwasanaeth, wrth ymddiriedolaethau elusennol, incwm masnach, cyfraniadau a ffynonellau cyllido Ewropeaidd.

Ar hyn o bryd rydym yn ddiolchgar iawn i’r canlynol am barhau â’u cefnogaeth:
•    Awdurdod Parc Cenedlaethol Arfordir Penfro
•    Cyngor Sir Penfro
•    Cyngor Sir Powys
•    Cyngor Sir Ceredigion
•    Cyngor Sir y Fflint
•    Cyngor Gwynedd
•    Cyngor Sir Conwy
•    npower

Pwy sy’n ein rheoli?

Cadeirydd
Mae gan Ian Natusch gymwysterau fel peiriannydd trydanol a chefndir fel Darlithydd a Phennaeth mewn Addysg Bellach yn yr Alban. Symudodd i Sir Benfro i ymddeol yn 1995 ac fe’i gwnaed yn Ymddiriedolwr yn 1999.

Aelodau’r Bwrdd

Mae cefndir John Beck mewn darlithio ac addysg bellach hefyd ac mae ganddo ddiddordeb arbennig mewn cadwraeth a materion yn ymwneud â chynaliadwyedd. Fe’i gwnaed yn Ymddiriedolwr yn 1999.

Dr Brian John sefydlodd y Grŵp Ynni Gorllewin Cymru yn 1980.  Mae ganddo PhD a bu’n gweithio fel Darlithydd mewn Daearyddiaeth a chymryd rhan mewn prosiectau ymchwil yn yr Antarctica, Yr Ynys Las, Gwlad yr Ia a Sweden. Ers dychwelyd i Sir Benfro yn 1977 bu’n chwarae rhan yng ngweithgareddau grwpiau amgylcheddol lleol a chenedlaethol ac mae’n awdur a chyhoeddwr nifer o lyfrau yn y maes.

Mae gan George Potts gefndir mewn electroneg a diddordeb mewn peirianneg fecanyddol ac ynni adnewyddadwy. Cafodd ei wneud yn Ymddiriedolwr yn 1998. Mae’n un o hoelion wyth Clwb Cychod Trefdraeth, yn gweithio fel warden gyda Pharc Cenedlaethol Arfordir Penfro ac yn aelod brwd o Gôr Dyfed.

Arferai Lorna Hipkins fod yn weithiwr iechyd proffesiynol ac mae’n cydredeg busnes manwerthu gyda’i gŵr yn Nhrefdraeth bellach.

Arferai Dr Wendy Ratcliffe fod yn Fiocemegydd Clinigol Ymgynghorol yn Birmingham. Mae’n Warden Gwirfoddol gyda Pharc Cenedlaethol Arfordir Penfro ac yn aelod gweithredol o Ffrindiau’r Parc Cenedlaethol, Clwb Garddio Trefdraeth, yr Olwyn Fewnol a’r WRVS.

Ymgynghorydd materion gwledig ar ei liwt ei hun yw Edward Holdaway a chanddo brofiad helaeth o weithio i lywodraeth ganolog a lleol. Mae ganddo gryn ddiddordeb mewn cynllunio a rheoli tirweddau sydd wedi’u diogelu gan gynnwys datblygiad ynni adnewyddadwy mewn ardaloedd o’r fath. Yn ddiweddar daeth ei dymor o wasanaeth ar fyrddau Awdurdod Parc Cenedlaethol Arfordir Penfro a PLANED i ben. Roedd hefyd yn aelod o fwrdd Asiantaeth Ynni Sir Benfro.

Ysgrifennydd y Cwmni

Gwnaed Elizabeth Perry yn Ysgrifennydd y Cwmni ym mis Ionawr 2001. Mae ganddi gefndir academaidd mewn Saesneg a bu’n gweithio i’r Gwasanaeth Sifil ac yn cadw tyddyn cyn troi at gyfrifyddiaeth fel gyrfa